مين محاسن علي

الجنوبي يا سيدي يشتهي أن يكون الذي لم يكنه يشتهي أن يلاقي أثنيين : الحقيقه – و الأوجه الغائبه (أمل دنقل)

مين محاسن علي

أنا لو أعرف أقول علي طول , بس ما أعرفش مين ديه … لأن ده اسم مستعار …و لو تحبوا ممكن أغير اسمي كل يومين لأن  اسمي و لا هيقدم و لا هيأخر الناس اللي ماتوا في جمعه الغضب التاريخ مش هيفتكر أسمائهم و لكنه هيفتكر اللي عملوه ,هيفتكر انهم حطوا حياتهم علي ايدهم و قالوا كفايه ظلم , كفايه قهر , كفايه خوف …التاريخ هيفتكر انهم سقوا ارض الظلم بدمهم عشان تطرح حريه

و بالرغم من انهم ادوا عمرهم عشان احنا نستمتع بالحريه أنا خايفه أقول اسمي لأن لسه الأمان ما بقاش سلوا بلدنا …لسه حريه التعبير ما عششتش في بر مصر المحروسه

…أنا ضد التلييف , دي مذهبي السياسي

أعتبروني زي خالتكوا عشان لما كلامي ما يلدش عليكوا تبقوا تقولوا كات خالتي و خالتك و اتفرقوا الخالات

و علي أي حال أنا هديكوا أماره ممكن تخليكوا تعرفوا مين أنا : اليومين دول الناس يا فلول يا أجندات …أنا واحده من الاتنين …شوفوا انتوا بقي كلكوا نظر