نتيجه الاستفتاء

أولا : هي تقسيم صفوف الشعب ووحدته لما لقوا ان مافيش فايده من الفتن الطائفيه قالولك ممكن نحط التيارات السياسيه ضد بعض تيارات دينيه ضد التيارات الاخري

ثانيا: تشتييت الراي العام و اصراف نظره عن المطالبه بالمحاكمات و العينه بانت يوم 19 مارس في اسكندريه في الوقت اللي كانت الناس مشغوله بنتيجه الاستفتاء طلعوا التلاته المعفنيين بتوع قسم الرمل و لما الناس شاطتت حكموا عليهم ب 15 يوم بس غيابي لأنهم كانوا خرجوا اساسا يعني في الحقيقه هم خرجوا فعلا و انتوا سيد العارفيين ان اللي بيتحكم عليه غيابي ف بلدنا و يبقي عليه العوض و نقول دوري يا حكومه و زغرتي يا اللي ما انتش غرمانه كل سنه و انتوا طيبين
بقول صرف نظر الرأي العام عن المحاكمات و أهمها طبعا محاكمه مبارك و زكريا عزمي و الشريف و سرور و كل ده محطوط ع التلج و مافيش حاجه بتحصل خالص

ثالثا : لهوا الناس عن البلاوي اللي بيعملهما الجيش من محاكمات عسكريه و قبض تعسفي ع العالم و النهارده الكلام ده بقي متوثق مش زي من اسبوعين فاتوا لأن اتعمل مؤتمر صحفي عليه في نقابه الصحفيين و جريده المصري اليوم نشرت مقال عن اللي حصل مع المعتقلين أهوه

الاستفتاء عمل كل ده و بالاضافه ان الجيش ضرب الناس كلها علي قفاها و خصوصا بتوع نعم ليه بقي… قولي ليه
لأن الجيش أعلن انه هيعمل اعلان دستوري عشان يحدد معالم الفتره الانتقاليه طاب ليه اعلان دستوري و الناس وافقت علي التعديلات عشان لو اتعمل بالدستور الجيش لازم يسيب منصب الرياسه لرئيس المحكمه الدستوريه وفقا للدستور بس طبعا الجيش مش هيسيب أبدا السلطه لأي حد تاني

طاب احنا نعمل ايه دلوقت

أولا : نتمسك برأي الشعب في الاستفتاء يعني نمشي ورا الاغلبيه و ماعادش في ناس بتوع نعم و ناس بتوع لا عشان نقضي علي انقسام الصفوف الكل عاوز احترام الاستفتاء لأن ديه اراده الشعب مش الاغلبيه الشعب كله

ثانيا : أنا حاسه ان الفتر ه اللي جايه ديه لازم يبقي في حوار بين التيارات السياسيه المختلفه  بشكل هادي و مرتب لأن الانفعال بيجيب رد فعل مضاد و أنا أول الناس اللي ردود أفعالي بتكون أحيانا منفعله جدا بس الشغل مع شباب صغير في السن علمني أن احسن حاجه ان الواحد يطول باله و يحاول دايما يقول افكاره بهدؤ و ببراهين لو أمكن و لازم نتجنب تماما ان احنا نقول للناس انهم جهله و ان احنا اللي عندنا الثقافه و العلم ديه بقي بتقلب اي حد و بيقفل ودانه و مايرضاش يسمع تاني

ثالثا: نركز بقدر الامكان عن كل أعمال الجيش و كل كبيره و صغيره يقولها لأني مقتنعه تماما ان الجيش بيعمل كل اللي يقدر عليه عشان الحال يرجع زي ما كان و كأنك يا ابو زيد ما غزيت
و الجيش بمسرحيه الاستفتاء حب يوري الناس كلها عمايل التيار الديني و  و قله حيله التيارات التانيه و بكده ناس كتير تخاف و تقوم تراهن علي بتوع الحزب الوطني اللي هم منظميين و لابدين في الدره لحد الانتخابات اللي جايه
لأن هي ديه خطه مبارك انه دايما يخوف من التيار الديني فالناس تختار بتوع الحزب الوطني يعني هم عاوزين يأكلونا تاني طبيخهم الحامض

Advertisements
هذا المنشور نشر في Uncategorized. حفظ الرابط الثابت.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s